------------------- Акафист Взыскание погибших и Всех скорбящих радость
Православие сегодня Акафисты Потребность нашего времени — акафист Пресвятой Богородице в честь икон Ея «Взыскание погибших» и «Всех скорбящих Радосте»

Потребность нашего времени — акафист Пресвятой Богородице в честь икон Ея «Взыскание погибших» и «Всех скорбящих Радосте»

0 Comments
Акафист Взыскание погибших и Всех скорбящих радость

Акафист Божией Матери перед Ея чудотворным образом «Взыскание погибших» до начала XX века пели тот, который был составлен для иконы «Всех скорбящих радость». Обе иконы прославлены не только примерно в одни и те же годы (конец XVII в.), но и схожими чудесами. Пред ними Богородицу просили:

  • невесты, выходя замуж о том, чтобы брак был благодатным;
  • отчаявшиеся — об освобождении от пороков,
  • страждущие — исцеления в болезнях;

Сегодня словами этого акафиста священники рекомендуют матерям обращаться с ходатайством к Пречистой Деве о духовно погибающих детях  – например, о тех, которые находятся в секте, пребывают в маловерии и неверии, одержимы страстями – винопития, наркомании и подобными.

В чем польза акафиста «Взыскание погибших»

Иногда молящийся ожидает быстрых изменений в жизни своей или ближнего. Однако, «взыскать погибшего» не столь простое дело: Господь, даже по молитвам Своей Матери и святых, не совершает духовного насилия над тем, чья душа пока не готова встретить Его, погружена в страсти, грехи.

А значит, надо, прежде всего, запастись смирением и терпением и ждать – изменения обстоятельств жизни человека по воле Божией. Христос и Богородица ведут каждого к спасению теми путями, которые полезны для того или иного человека – но часто сокрыты от его близких.

Икона "Взыскание погибших" Звонарская. Фото начала XX века (в окладе)

Икона «Взыскание погибших» Звонарская ( с предстоящими). Фото начала XX века (в окладе) Ныне находится в церкви Николая Чудотворца в Звонарях на Рождественке (подворье Пюхтицкого монастыря в Москве)

Акафист Пресвятей Богоро́дице в честь иконы Ея́ «Взыскание погибших» и «Всех скорбящих Ра́досте». Текст

Молитвы перед и после чтения акафиста дома+ правила — здесь, в чем сила и польза — тут. Читают или поют эти гимны обычно стоя, акафист = «неседальная песнь» (греч).

Кондак 1

Взбра́нней Воево́де победи́тельная, я́ко изба́вльшеся от ве́чныя сме́рти благода́тию от Тебе́ ро́ждшагося Христа́ Бо́га на́шего́ и Твои́м Ма́терним пред Ни́м хода́тайством, бла­года́рственная воспису́ем Ти́, раби́ Твои́: я́ко иму́щая держа́ву непобеди́мую, от вся́ких на́с бед и ско́рбных обстоя́ний свободи́, зову́щих: Ра́дуйся, благода́тная Богоро́дице Де́во, погиб­ших взыска́ние и все́х скорбя́щих ра́досте.

Икос 1

А́нгел предста́тель по́слан бы́сть с небесе́ рещи́ Богоро́дице: Ра́дуйся, Благослове́нная в жена́х, предрече́нная Ма́ти Хрис­та́, Сы́на Бо́жия. Те́мже и мы́, грехми́ обремене́ннии, наде́жду спасе́ния в Тебе́ улучи́вше, уми́льно взыва́ем Ти́:

  1. Ра́дуйся, Бо́жие ко гре́шным благоволе́ние;
  2. ра́дуйся, ка́ющихся пре́д Го́сподем Бо́гом кре́пкое заступле́ние.
  3. Ра́дуйся, па́дшаго Ада́ма воззва́ние;
  4. ра́дуйся, сле́з Е́виных избавле́ние.
  5. Ра́дуйся, грехо́вную отъе́млющая скве́рну;
  6. ра́дуйся, ба́не, омыва́ющая со́весть.
  7. Ра́дуйся, ро́ждшая Изба́вителя, без­закония на́ша ми́лостиво очища́ющаго;
  8. ра́дуйся, всечу́дное все́х к Бо́гу примире́ние.
  9. Ра́дуйся, мосте, вои́стину преводя́й на́с от сме́рти к животу;
  10. ра́дуйся, мир от пото́па грехо́внаго спа́сшая.
  11. Ра́дуйся, ле́ствице Небе́сная, е́юже Госпо́дь к на́м сни́де;
  12. ра́дуйся, вина́ все́х обо́жения.
  13. Ра́дуйся, благода́тная Богоро́дице Де́во, погибших взыска́ние и все́х скорбя́щих ра́досте.

Кондак 2

Ви́дяще токи чуде́с, излива́емыя от святы́я Твоея́ ико́ны, Блага́я Богороди́тельнице, и разуме́юще, я́ко Ты́ еси́ моля́щихся Блага́я Помо́щница, оби́димых Засту́пница, ненаде́ющихся наде́жда, печа́льных утеше́ние, поги́бших Взыска́ние, а́лчущих Корми́тельница, наги́х одея́ние, де́вственных целому́д­рие, стра́нных Наста́вница, тружда́ющихся по́мощь, слепы́х прозре́ние, глухи́х благослы́шание, больных исцеле́ние, благода́рственне вопие́м о Тебе́ Бо́гу:

Аллилуиа.

Икос 2

Та́йну Твоего́, Богоро́дице, заступле́ния люде́й, в ско́рби погиба́ющих, уразуме́ти хотя́ще, к Тебе́ прибега́ем, о Ма́ти и Де́во. Ты́ же, я́ко Блага́я, научи́ ны разуме́ти в защище́нии Блага́го Сы́на Твоего́ милосе́рдое промышле́ние о спасе́нии душ на́ших и очище́ние мно́гих согреше́ний, да взыва́ем Ти́ ра́достно:

  1. Ра́дуйся, обурева́емых ти́хое приста́нище;
  2. ра́дуйся, сумня́щихся изве́стное утвержде́ние.
  3. Ра́дуйся, Еди́на Ма́ти милосе́рдия;
  4. ра́дуйся, ско́рая Помо́щнице су́щим в беда́х и напа́стех.
  5. Ра́дуйся, скорбьми́ грехи́ на́ша очища́ющая;
  6. Ра́дуйся, печа́лию на́ши не́мощи душе́вныя врачу́ющая.
  7. Ра́дуйся, су́етные ра́дости презира́ти на́с науча́ющая;
  8. ра́дуйся, к вы́шнему ми́ру у́м на́ш возводя́щая.
  9. Ра́дуйся, от любве́ земны́я к Небе́сней Бо́жией любви́ на́с привлека́ющая;
  10. ра́дуйся, в са́мых страда́ниих на́ших утеше́ние и благода́тную жи́знь на́м подаю́щая.
  11. Ра́дуйся, обетова́ние бла́г ве́чных;
  12. ра́дуйся, Хода́таице ве́чныя ра́дости.
  13. Ра́дуйся, благода́тная Богоро́дице Де́во, погибших взыска́ние и все́х скорбя́щих ра́досте.

Кондак 3

Си́лою свы́ше укрепи́ мя, Блага́я Влады́чице, неду́гующа те́лом и душе́ю, и посеще́ния Твоего́ сподо́би и промышле́ния, мра́к уныния и ско́рби, облежа́щии мя, отгоня́ющи, да́, спаса́емый Тобо́ю, при́сно воспою́ Бо́гу:

Аллилу́иа.

Икос 3

Иму́щи бога́тство милосе́рдия неиз­рече́нное, все́м скорбя́щим ру́ку по́мощи простира́еши, неду́ги врачу́ющи, стра́сти исцеля́ющи. Не пре́зри и мене́, Блага́я Влады́чице, на одре́ не́мощи моея́ низлежа́ща и вопию́ща Ти́:

  1. Ра́дуйся, ми́лости сокро́вище многоце́нное;
  2. ра́дуйся, отча́янных едина наде́ждо.
  3. Ра́дуйся, те́ла моего́ врачева́ние;
  4. ра́дуйся, души́ моея́ спасе́ние.
  5. Ра́дуйся, тве́рдая кре́посте немощ­ных;
  6. ра́дуйся, изнемога́ющих Засту́пнице и укрепле́ние.
  7. Ра́дуйся, гнев Бо́жий Твои́м моле́нием ско́ро утоля́ющая;
  8. ра́дуйся, стра́сти на́ша си́лою моли́тв Твои́х укроща́ющая.
  9. Ра́дуйся, слепы́х зре́ние, глухих слы́шание;
  10. Ра́дуйся, хромы́х хождение, немы́х глаго́лание.
  11. Ра́дуйся, боля́щих благонаде́жное посещение;
  12. ра́дуйся, я́ко Тобо́ю, по мере ве́ры, подаю́тся благода́т­ная исцеления все́м немощству́ющим.
  13. Ра́дуйся, благода́тная Богоро́дице Де́во, погибших взыс­ка́ние и все́х скорбя́щих ра́досте.

Кондак 4

Бу́ря мно́гих бе́д и напа́стей обдержи́т мя, и волне́ния уже не терплю́. Ты́ же, я́ко ми́лостивая Ма́ти Спа́са моего́ и Бо́га, воз­двигни ру́це к Сы́ну Твоему́, моля́щи Его́, да при́зрит на лю́тую ско́рбь се́рдца моего́ и воздви́гнет мя из пучины отча́яния, вопию́щаго Ему́:

Аллилу́иа.

Икос 4

Слы́шащи, Пресвята́я Де́во и Ма́ти, Симео́на пра́веднаго прорече́ние: Тебе́ же Само́й ду́шу про́йдет ору́жие, слага́ла еси́ в се́рдце Твое́м вся́ глаго́лы сия́, разумева́ющи, я́ко ра́дость ма́терняго сердца о ча́дех мно́гих печа́лей в ми́ре се́м быва́ет прича́стна. Те́мже, я́ко искуше́нней по вся́ческим и спострада́ти ма́терней ско́рби могу́щей, взыва́ем Ти́:

  1. Ра́дуйся, ра́дость ми́ру – Христа́ Спаси́теля ро́ждшая;
  2. ра́дуйся, ми́р от скорбе́й избавля́ющая.
  3. Ра́дуйся, поноше́ние Сы́на Твоего́ терпе́вшая;
  4. ра́дуйся, страда́нием Его́ спострада́вшая.
  5. Ра́дуйся, ско́рбных ма́терей утеше́ние;
  6. ра́дуйся, ча́д их благода́тное охране́ние.
  7. Ра́дуйся, в беда́х ско́рое на́м заступле́ние;
  8. ра́дуйся, заблу́ждших исправле́ние.
  9. Ра́дуйся, младе́нцев пита́ние;
  10. ра́дуйся, ю́ных наставле́ние.
  11. Ра́дуйся, Ма́ти сиро́тствующих;
  12. ра́дуйся, вдов заступле́ние.
  13. Ра́дуйся, благода́тная Богоро́дице Де́во, погиб­ших взыска́ние и все́х скорбя́щих ра́досте.

Кондак 5

Богото́чную Кро́вь Сы́на Твоего́ на Кресте́ за спасе́ние на́ше излива́емую зря́щи, я́ко Раба́ Госпо́дня, повину́ющися во́ли Отца́, Иже на Небесе́х, на́м о́браз злострада́ния и терпе́ния яви́ла еси́, да и мы́, в пе́щи искуше́ний и бе́д су́щии, вопие́м смире́нно Бо́гу:

Аллилу́иа.

Икос 5

Видя Тя́ Сы́н Тво́й и Бо́г, при Кресте́ стоя́щую с возлю́бленным ученико́м и се́рдцем Ему́ сраспина́ющуюся, глаго́лаше: «Же́но, се, Сы́н Тво́й», и ученику́: «Се, Ма́ти Твоя́», всыновля́я Тебе́ вся́ ве́рующия в Него́. Мы́ же, я́ко о́бщницы ско́рби и страда́ний Сы́на Твоего́, име́юще в Тебе́ Благу́ю Ма́терь, на Тя́ все упо­ва́ние в ско́рби возлага́юще, вопие́м Ти́:

  1. Ра́дуйся, Ма́ти ро́да христиа́нскаго;
  2. ра́дуйся, усынови́вшая на́с при Кресте́ Сы́на Твоего́.
  3. Ра́дуйся, Бо́га с челове́ки соединившая;
  4. ра́дуйся, ве́рных Го́сподеви сочета́вшая.
  5. Ра́дуйся, А́гнице, ро́ждшая А́гнца, взе́мшаго грехи́ ми́ра;
  6. ра́дуйся, ча́ше, че́рплющая на́м ра́дость от Исто́чника безсме́ртия.
  7. Ра́дуйся, спору́чнице спасе́ния гре́шных;
  8. ра́дуйся, взыска́ние поги́б­ших.
  9. Ра́дуйся, неча́янная гре́шных ра́досте;
  10. ра́дуйся, па́дших возста́ние.
  11. Ра́дуйся, цели­тельнице все́х не́мощей;
  12. ра́дуйся, утоле́ние вся́кия печа́ли.
  13. Ра́дуйся, благода́тная Богоро́дице Де́во, погибших взыска́ние и все́х скорбя́щих ра́досте.

Кондак 6

Пропове́дуют ми́лости Твоя́, Богома́ти, вси́ концы́ вселе́нныя, ибо честны́м пок­ро́вом Твои́м покрыва́еши ве́сь ро́д христиа́нс­кий, о не́м же при́сно мо́лишися Христу́ Спаси́телю на́шему и избавлявши от все́х бе́д благонра́вныя и богобоя́щияся лю́ди Твоя́, ве́рно вопию́щия Бо́гу:

Аллилу́иа.

Икос 6

Возсия́ благода́ть светоза́рная от пречу́дныя ико́ны Твоея́ Богома́ти, пре́д не́юже со слеза́ми припа́дающе, мо́лим Ти́ ся: отжени́ о́блак наше́дших на ны искуше́ний, да вопие́м Ти́ ра́достно:

  1. Ра́дуйся, принося́щая к Сы́ну Твоему́ и Бо́гу моле́ния ве́рных;
  2. ра́дуйся, и Сама́ у Пре­сто́ла Сы́на Твоего́ при́сно моля́щаяся о на́с.
  3. Ра́дуйся, Предста́тельнице к Бо́гу, мир от бе́д спаса́ющая;
  4. ра́дуйся, Засту́пнице ро́да христиа́нскаго, от Бо́га на́м дарова́нная.
  5. Ра́дуйся, дре́во благосенноли́ственное, и́мже покры­ва́ются мно́зи;
  6. ра́дуйся, дре́во светлоплодови́тое, и́мже пита́ются ве́рнии.
  7. Ра́дуйся, покро́ве ми́ру, ши́рший о́блака;
  8. ра́дуйся, земле́ обето­ва́ния, из нея́же тече́т ме́д и млеко́.
  9. Ра́дуйся, ни́во, растя́щая оби́лие щедро́т;
  10. ра́дуйся, Пода́тельнице вся́кия бла́гости.
  11. Ра́дуйся, бла­года́тная Богоро́дице Де́во, поги́бших взыска́­ние и все́х скорбя́щих ра́досте.

Кондак 7

Хотя́щи яви́ти то́ки чуде́с от святы́я ико́ны Твоея́ «Взыска́ние поги́бших», повеле́ла еси́, Влады́чице, в поги́бели и печа́ли су́щим моле́бная пе́ния пред то́ю соверша́ти и получи́вшим исцеле́ние – пропове́дати ми́лости, ра́ди то́я ико́ны явле́нныя, да не сокры́т бу́дет исто́чник благода́тных врачева́ний все́м тре́бующим. Те́мже и мы́ не таи́м Твои́х благодея́ний, но благода́рственно прославля́юще Бо́га, вопие́м Ему́:

Аллилу́иа.

Икос 7

Но́вая купе́ль Силоа́мская па́че о́ныя дре́вния яви́ся, Пречи́стая Влады́чице, хра́м Тво́й, в не́мже поклоня́емся чудотво́рней ико́не Твоея́: и́бо не еди́ною в ле́то и то́кмо пе́рвее входя́щим здра́вие те́ла подае́ши, но вся́кий неду́г и вся́кую язву душе́вную и теле́сную врачу́еши с ве́рою и любо́вию к Тебе́ прибега́ющих. Сего́ ра́ди вопие́м Ти́:

  1. Ра́дуйся, купе́ль, в не́йже вся́ ско́рби на́ша погружа́ются;
  2. ра́дуйся, ча́ше, е́юже ра́дость и спасе́ние восприе́млем.
  3. Ра́дуйся, ка́меню, напая́ющий жа́ждущия жи́зни;
  4. ра́дуйся, дре́во, услажда́ющее сла́ныя во́ды жите́йскаго моря.
  5. Ра́дуйся, животво́рныя воды́ неистощи́мый Исто́чниче;
  6. ра́дуйся, ба́не, омыва́ющая грехо́вную скве́рну.
  7. Ра́дуйся, скорбе́й на́ших услажде́ние;
  8. ра́дуйся, печа́лей на́ших утоле́ние.
  9. Ра́дуйся, де́монов попра́ние;
  10. ра́дуйся, враго́в посрамле́ние.
  11. Ра́дуйся, благода́тная Богоро́дице Де́во, поги́бших взыска́ние и все́х скорбя́щих ра́досте.

Кондак 8

Стра́нники и прише́льцы вси́ есмы́ на земли́ се́й, по глаго́лу апо́столову: бе́ды от враго́в, бе́ды от сро́дник, бе́ды от лжебра́тии терпя́ще в лише́ниих мно́гих и ско́рбех. Ты́ же, Влады́чице, я́ко Блага́я Путеводи́тельнице, наста́ви нас к ти́хому приста́нищу и моли́ Сы́на Твоего́ проще́ния прегреше́ний нам пре́жде конца́ дарова́тися, да при́сно вопие́м Бо́гу:

Аллилу́иа.

Икос 8

Все житие́ на́ше на земли́ боле́зненно и печа́ли испо́лнено от клеветы́, досажде́ния, укоре́ния и ины́х многови́дных бед и напа́стей, немоществу́ет бо те́ло, изнемога́ет и ду́х наш. К Тебе́ у́бо прибега́ем, Богома́ти, пред Пречи́стою ико́ною Твое́ю припа́дающе, испо́лни ра́дости и весе́лия ско́рбная сердца́ на́ша, да вопие́м Ти́:

  1. Ра́дуйся, путеводи́тельнице, к Небе́сному оте́честву нас руководя́щая;
  2. ра́дуйся, Цари́це Не́ба и земли́, врата́ раи́ския нам отверза́ющая.
  3. Ра́дуйся, ми́лостивая, нас ми́лующая;
  4. ра́дуйся, домострои́тельнице, житие́ на́ше до́бре устроя́ющая.
  5. Ра́дуйся, руно́ ороше́нное, е́же Гедео́н предви́де;
  6. ра́дуйся, блаже́нное чре́во, невмести́маго все́ми Бо́га вмести́вшее.
  7. Ра́дуйся, неопали́мая купино́;
  8. ра́дуйся, неруши́мая сте­но́.
  9. Ра́дуйся, живоно́сный исто́чниче;
  10. ра́дуйся, цве́те неувяда́емый.
  11. Ра́дуйся, умягче́ние серде́ц злы́х;
  12. ра́дуйся, умиле́ние благи́х.
  13. Ра́дуйся, Благода́тная Богоро́дице Де́во, поги́бших взыс­кание и все́х скорбя́щих ра́досте.

Кондак 9

Вся́кая жите́йская в ми́ре се́м сла­дость печа́ли бывает причастна: сла́ва не стои́т, бога́тство мимотече́т, лепота и здра́вие увя­да́ют, дру́зи и искренни́и сме́ртию отъе́млются. Услади́ убо на́ша ско́рби, благи́х Виновная, Твою́ нетле́нную даю́щи ра́дость на́м, вопию́щим Бо́гу:

Аллилу́иа.

Икос 9

Вети́я многовеща́нныя недоуме́ют, ки́ими словесы́ скорбя́щия и погиба́ющия утеша́ти, но Сама́, Влады́чице, возглаго́ли серд­ца́м на́шим утеше́ние, благода́ти Твоея́ луча́ми о́блак ско́рби на́шея и мра́к уны́ния разгоня́ющи, да взыва́ем Ти́:

  1. Ра́дуйся, обра́довавшая наде́янием на Тя́ все́х христиан;
  2. ра́дуйся, Ра́досте и умире́ние ми́ру.
  3. Ра́дуйся, Пода́тельнице Боже́ственныя бла́гости;
  4. ра́дуйся, Наде́ждо бла́г ве́чных.
  5. Ра́дуйся, кораблю хотя́щих спасти́ся;
  6. ра́дуйся, приста́нище жите́йских пла́­ваний.
  7. Ра́дуйся, ве́рная храни́тельнице упова́ющих на Тя́ по Бо́зе;
  8. ра́дуйся, оде́ждо наги́х дерзнове́ния.
  9. Ра́дуйся, храни́тельнице все́х и утвержде́ние;
  10. ра́дуйся, все́х ве́рных огражде́ние и свяще́нное прибе́жище.
  11. Ра́дуйся, по́моще ве́рно моля́щихся Тебе́;
  12. ра́дуйся, све́тлое благо­да́ти позна́ние.
  13. Ра́дуйся, благода́тная Богоро́дице Де́во, поги́бших взыска́ние и все́х скорбя́щих ра́досте.

Кондак 10

Спасти́ хотя́й ро́д челове́ческий от ве́чныя муки и непрестаю́щия ско́рби, Челове­колю́бец Госпо́дь в присноде́вственную утро́бу Твою́ всели́ся, и Тебе́, Ма́терь Свою́, дарова́ погиба́ющим в по́мощь, покро́в и защище́ние, да бу́деши печа́льным утеше́ние, поги́бшим взыска́ние, скорбя́щим ра́дование, отча́янным наде́жда, ве́чныя муки Свои́м хода́тайством избавля́ющая и к Небе́сному веселию приводя́щая все́х, ве́рно вопию́щих Сы́ну Твоему́ и Бо́гу на́шему:

Аллилу́иа.

Икос 10

Стена́ еси́ Де́вам, Богоро́дице Де́во, и все́м к Твоему́ покро́ву прибега́ющим. Те́мже мо́лим Тя́, заступи́, покры́й и соблю́ди все́х погиба́ющих и безпо́мощных от искуше́ний, озлобле́ний и бе́д, Тебе́ с любо́вию взыва́ющих:

  1. Ра́дуйся, сто́лпе де́вства;
  2. ра́дуйся, чистоты́ и целому́дрия сосу́де избра́нный.
  3. Ра́дуйся, вои́нствующим на пло́ть целому́дрием изря́дное вен­ча́ние;
  4. ра́дуйся, во и́ночестве благоскорбя́щим пода́тельнице ве́чнаго ра́дования.
  5. Ра́дуйся, пла́мень страсте́й изменя́ющая;
  6. ра́дуйся, мра́к искуше́ний прогоня́ющая.
  7. Ра́дуйся, наста́в­нице целому́дрия;
  8. ра́дуйся, чистоты́ огражде́ние.
  9. Ра́дуйся, челове́ков исправле́ние;
  10. ра́дуйся, Е́юже от паде́ния на́шего́ возста́хом.
  11. Ра́дуйся, тве́рдое ве́ры утвержде́ние;
  12. ра́дуйся, прия́тное моли́твы кади́ло.
  13. Ра́дуйся, благода́тная Богоро́дице Де́во, погибших взыска́ние и все́х скорбя́щих ра́досте.

Кондак 11

Пе́ние всеумиле́нное прино́сим Ти́, раби́ Твои́, Богоро́дице, я́ко всеси́льней засту́п­нице рода на́шего́: утоли́ боле́зни к Тебе́ при­бега́ющих, укроти́ гне́в Бо́жий, пра́ведно на ны дви́жимый гре́х ра́ди на́ших, изба́ви на́с от вся́кия  лю́тыя ско́рби и поги́бели, вопию́щих о Тебе́ Бо́гу:

Аллилу́иа.

Икос 11

Светоприе́мная свеща, углем благо­дати Бо́жия возжже́нная, яви́ся нам пречестна́я ико́на Твоя́, Влады́чице, на освяще́ние на́ше и утеше́ние. Мы́ же, любо́вию чту́ще и с ве́рою припа́дающе к ней, вопие́м Ти́:

  1. Ра́дуйся, си́льным Твои́м заступле́нием от все́х бед нас избавля́ющая;
  2. ра́дуйся, от тру́са и пото́па нас защища́ющая.
  3. Ра́дуйся, от глада душе́внаго и теле́снаго нас снабдева́ющая;
  4. ра́дуйся, о́гнь росо́ю моли́тв Твои́х угаша́ющая.
  5. Ра́дуйся, от сме́ртнаго губи́тельства нас спаса́ющая;
  6. ра́дуйся, в бране́х кре́пкая помо́щнице.
  7. Ра́дуйся, от наше́ствия иноплеме́нных нас огражда́ющая;
  8. ра́дуйся, от междоусо́бныя бра́ни охра­ня́ющая.
  9. Ра́дуйся, пла́вающих ле́гкое по вода́м прохожде́ние;
  10. ра́дуйся, путеше́ствующих доб­рая води́тельнице.
  11. Ра́дуйся, пле́нных свобожде́ние;
  12. ра́дуйся, от належа́щаго пра́веднаго преще́ния Бо́жия ско́рое избавле́ние.
  13. Ра́дуйся, Благода́тная Богоро́дице Де́во, поги́бших Взыс­кание и все́х скорбя́щих ра́досте.

Кондак 12

Благода́ти зало́г восхоте́вши да́ти ро́ду на́шему, цельбоно́сную ико́ну Твою́ яви́ла еси́ нам, Богома́ти, от нея́же то́ки чуде́с с ве́рою приходя́щим источа́ются, неду́зи врачу́ются и ско́рби утоля́ются. Сего́ ради ра́достно о Тебе́ вопие́м Бо́гу:

Аллилу́иа.

Икос 12

Пою́ще Твоя́ ми́лости и чудеса, Богороди́тельнице, хвалим Тя́ вси́, я́ко тве́рдую предста́тельницу на́шу, и со умиле́нием покло­ня́емся Тебе́, моля́щейся о нас, и про́сим: воздви́гни ру́це к Сы́ну Твоему́, да в се́й жи́зни и по сме́рти на́шей милосе́рдие Его́ неотступно бу́дет от нас, взыва́ющих Ти́:

  1. Ра́дуйся, непосты́дное на́ше упова́ние в житии́ и по преставле́­нии на́шем;
  2. ра́дуйся, упова́ющим на Тя́ ми́рен коне́ц жития́ сего́ подаю́щая.
  3. Ра́дуйся, в де́нь су́дный на́ша наде́ждо и защище́ние;
  4. ра́дуйся, Судии́ пра́веднаго умоле́ние.
  5. Ра́дуйся, гее́нны ве́чныя избавле́ние;
  6. ра́дуйся, наде́ждо ве́чнаго спасе́ния.
  7. Ра́дуйся, ключу́ Ца́рствия Христо́ва;
  8. ра́дуйся, две́ре ра́йская.
  9. Ра́дуйся, мо́сте, к небесе́м преводя́й;
  10. ра́дуйся, все́х ка́ющихся гре́шников прибе́жище и блага́я засту́пнице.
  11. Ра́дуйся, а́нгелов ра́досте;
  12. ра́дуйся, все́х пра­ведных сла́во и утеше́ние.
  13. Ра́дуйся, Благода́тная Богоро́дице Де́во, поги́бших взыскание и все́х скорбя́щих ра́досте.

Кондак 13

О Всепе́тая Богообра́дованная Ма́ти, ро́ждшая на ра́дость не́бу и земли́ Царя́ Христа́ Бо́га на́шего! Услы́ши глас скорбя́щих раб Твои́х и, прие́мши сие́ ма́лое моле́ние на́ше, изба́ви нас от вся́ких бе́д, скорбе́й и напа́стей: неду́ги наша исцели́, клеветы́ потреби́, вся́ку зло́бу и вражду́ отжени́ от нас и бу́дущия изми́ му́ки о Тебе́ вопию́щих:

Аллилу́иа.

(Сей Кондак читается трижды, затем 1-й Икос и 1-й Кондак)

Кондак 1

Взбра́нней Воево́де победи́тельная, я́ко изба́вльшеся от ве́чныя сме́рти благода́тию от Тебе́ ро́ждшагося Христа́ Бо́га на́шего́ и Твои́м Ма́терним пред Ни́м хода́тайством, бла­года́рственная воспису́ем Ти́, раби́ Твои́: я́ко иму́щая держа́ву непобеди́мую, от вся́ких на́с бед и ско́рбных обстоя́ний свободи́, зову́щих: Ра́дуйся, благода́тная Богоро́дице Де́во, погиб­ших взыска́ние и все́х скорбя́щих ра́досте.

Икос 1

А́нгел предста́тель по́слан бы́сть с небесе́ рещи́ Богоро́дице: Ра́дуйся, Благослове́нная в жена́х, предрече́нная Ма́ти Хрис­та́, Сы́на Бо́жия. Те́мже и мы́, грехми́ обремене́ннии, наде́жду спасе́ния в Тебе́ улучи́вше, уми́льно взыва́ем Ти́:

  1. Ра́дуйся, Бо́жие ко гре́шным благоволе́ние;
  2. ра́дуйся, ка́ющихся пре́д Го́сподем Бо́гом кре́пкое заступле́ние.
  3. Ра́дуйся, па́дшаго Ада́ма воззва́ние;
  4. ра́дуйся, сле́з Е́виных избавле́ние.
  5. Ра́дуйся, грехо́вную отъе́млющая скве́рну;
  6. ра́дуйся, ба́не, омыва́ющая со́весть.
  7. Ра́дуйся, ро́ждшая Изба́вителя, без­закония на́ша ми́лостиво очища́ющаго;
  8. ра́дуйся, всечу́дное все́х к Бо́гу примире́ние.
  9. Ра́дуйся, мосте, вои́стину преводя́й на́с от сме́рти к животу;
  10. ра́дуйся, мир от пото́па грехо́внаго спа́сшая.
  11. Ра́дуйся, ле́ствице Небе́сная, е́юже Госпо́дь к на́м сни́де;
  12. ра́дуйся, вина́ все́х обо́жения.
  13. Ра́дуйся, благода́тная Богоро́дице Де́во, погибших взыска́ние и все́х скорбя́щих ра́досте.

Молитва

О, Пресвята́я Влады́чице и Богоро́дице, Вы́сшая Херуви́м и Честне́йшая Серафи́м, Богоизбра́нная Отрокови́це, поги́бших Взыска́ние и всех скорбя́щих Ра́досте! Пода́ждь утеше́ние и нам, в поги́бели и ско́рби су́щим; ра́зве бо Тебе́ ино́го прибе́жища и по́мощи не и́мамы.

Ты еди́на еси́ ра́дости на́шея Хода́таица, и я́ко Ма́терь Бо́жия и Ма́ти милосе́рдия, предстоя́щи у Престо́ла Пресвяты́я Тро́ицы, мо́жеши нам помощи́, никто́же бо притека́яй к Тебе́ посра́млен отхо́дит.

Услы́ши у́бо и нас ны́не в день поги́бели и печа́ли пред Твое́ю ико́ною припа́дающих и со слеза́ми Тебе́ моля́щихся: отжени́ от нас належ́ащия на нас ско́рби и бе́ды в сей вре́менней жи́зни, не лише́ны же сотвори́ Твои́м всеси́льным хода́тайством и ве́чныя несконча́емая ра́дости в Ца́рствии Сы́на и Бо́га на́шего. Ами́нь.

4 молитвы, кондак и тропарь Богородице пред образом «Взыскание» здесь.

Сегодня известны и другие тексты

Приведенный выше текст  — первый. В начале XX века появились еще три:

  • рукописный акафист, который многие читали келейно; его текст был найден после кончины митрофорного протоиерей Георгия Пономарева (1914-1997 гг.), который служил в Екатеринбургской епархии; многие полагают, что автором этого тексты был сам о. Георгий, так как в нет отражены, как свидетельствуют духовные чада, некоторые события жизни священника; сейчас акафист издан по благословению архиепископа Курганского и Шадринского Михаила (Расковалова);
  • еще один акафист известен за авторством протоиерея Николая Голубцова, который скончался в 1963 г.; в 2011 г. его издал приход храма Сошествия Святого Духа на Лазаревском кладбище в Москве; благословил издание епископ Южно-Сахалинский и Курильский Даниил (Доровских);
  • наконец, есть еще один вариант акафиста пред иконой: в книге «Радуйся, Невесто Неневестная! 60 акафистов Божией Матери», которая издана в 2002 г. Троице-Сергиевой лаврой.

Любой из трех акафистов, благословленных священноначалием; можно также воспользоваться и дореволюционной практикой чтения акафиста образа «Всех скорбящих радость»; но если под рукой почему-либо не оказалось именно акафистов в честь иконы, вполне можно читать древний акафист Богородице, которые в древности называли Великим и который был единственным в своем роде, читаемым перед любой иконой Пречистой; под названием «Акафист Пресвятой Богородице» его можно найти практически в любом молитвослове или здесь.

Полезная статья? Поддержите православный просветительский проект, нам будет приятно:-) 2202 2018 4415 4894 - карта Сбербанка редактора (Ирина Анатольевна Ятова)

Добавить комментарий

Ваш адрес email не будет опубликован. Обязательные поля помечены *

Related Post

Не читаем акафист Рождеству Пресвятой Богородицы, а молимсяНе читаем акафист Рождеству Пресвятой Богородицы, а молимся

0 Comments
Акафист Рождеству Пресвятой Богородицы

Словами акафиста Рождеству Пресвятой Богородице православные молятся о защите детей, мире и согласии в семье, любви, взаимопонимании между супругами, примирении после ссоры. Сугубо обращаются К Деве Марии и её святым родителям за помощью бездетные пары, женщины, готовящиеся стать матерями. А также просят о всякой нужде,

Акафисты

Почему Акафист Архангелу Михаилу и Небесным Силам Бесплотным читают по понедельникамПочему Акафист Архангелу Михаилу и Небесным Силам Бесплотным читают по понедельникам

0 Comments
Акафист Архангелу Михаилу

Для чего читают Акафист Архангелу Михаилу? Причем возносят молитвы Архистратигу регулярно — каждый понедельник. Именно на понедельник традиционно приходится память Небесных Сил и Архангела Михаила. Поэтому к нему и другим Ангелам обращаются православные в этот день еженедельно: словами акафиста, канона или молитвы — на выбор

Акафисты

Акафист перед иконой Пресвятой Богородицы «Всецарица»Акафист перед иконой Пресвятой Богородицы «Всецарица»

0 Comments

Текст Акафиста, читаемого перед иконой Пресвятой Богородицы «Всецарица» утвержден Священным Синодом Русской Православной Церкви 25 декабря 2012 года (журнал № 131) Кондак 1 Новоявле́нней Твое́й иконе предстоя́ще ве́рнии, уми́льно воспева́ем Ти, Всецари́це, раби́ Твои́; низпосли́ цельбы́ к Тебе́ притека́ющим ны́не рабо́м Твои́м, да вси ра́достно

Акафисты

Акафист первоверховным апостолам Петру и ПавлуАкафист первоверховным апостолам Петру и Павлу

0 Comments
Акафист Петру и Павлу

Акафист святым Петру и Павлу читают желающие подражать апостолам в том главном, в чем они прославились – евангельском благовестии. В чем помогают апостолы Итак, «можно и сидя дома совершать эту ловитву». В жизни каждого из нас есть люди, которым мы давно хотим сказать что-то о

Акафисты

«Слава в вышних Богу и на земли мир, в человецех благоволение!»: Акафист Рождеству Христову«Слава в вышних Богу и на земли мир, в человецех благоволение!»: Акафист Рождеству Христову

0 Comments
Акафист Рождеству Христову

По одной версии Акафист Рождеству Христову в 1873 году написала девица Елизавета Трофимовна Обухова (в монашестве Леонида), духовная дочь епископа Димитровского Леонида (Краснопевкова). Она была духовно и творчески одаренной, глубоко чтила святителя Филарета (Дроздова), митрополита Московского, была знакома со многими знаменитыми людьми своего времени. По

Акафисты