------------------- Акафист святым Женам-мироносицам
Православие сегодня Акафисты Текст акафиста святым Женам-мироносицам

Текст акафиста святым Женам-мироносицам

Нет комментариев
Акафист святым Женам-мироносицам

День Жен-мироносиц приходится на третий воскресный день по Пасхе. К святым Женам обращаются:

  • прося укрепления веры, избавления от сомнений;
  • во время гонений, когда особенно нужна духовная твердость;
  • прося их молитв о всяком добром деле, особенно же – о делах милосердия.

Акафист святым Женам-мироносицам

Кондак 1.

Брани угашает и мир устрояет Державное Слово молитвами вашими, жены святыя. Ныне же благодарений наших приносим вам малая сия словеса:
Радуйтеся, мироносицы преславныя, Воскресения Христова провозвестницы.

Икос 1.

Ангел у гроба, яко молния, во тьме сияя, мироносиц сретает грядущих, возвещая им таковая:
Радуйтеся, яко Господь Сил воскресе; радуйтеся, яко Царь Славы воста.
Радуйтеся, яко ветхая скорбь упразднися; радуйтеся, яко новая радость воссия.
Радуйтеся и слезы печали отрите; радуйтеся и, шедше, апостолов возвеселите.
Радуйтеся, мироносицы преславныя, Воскресения Христова провозвестницы.

Кондак 2.

Утру свитающу, мироносицы ко гробу идоша, ароматы носяще нас ради Распятому и Погребенному, Емуже вся силы Небесныя воспевают: Аллилуиа.

Икос 2.

Мироносицы, любовию движимы, Погребеннаго помазати тщатся, мы же бесстрашие святых жен похваляем словесы таковыми:
Радуйтеся, в ризы спасения облеченныя; радуйтеся, кротостию и незлобием украшенныя.
Радуйтеся, венцы смирения носящия; радуйтеся, бисером добродетелей испещренныя.
Радуйтеся, голубицы ковчега спасительнаго; радуйтеся, благовестницы лета Господня приятнаго.
Радуйтеся, мироносицы преславныя, Воскресения Христова провозвестницы.

Кондак 3.

На камени гробнем ангел седя, воскресение извествует, мы же, на камени веры утвердившеся, вопием: Аллилуиа.

Икос 3.

Тецыте ко апостолом, о жены, тецыте и торжество им проповедите, глаголет светообразный. Сего ради услышите от нас сицевая:
Радуйтеся, возлюбленныя Божия ученицы; радуйтеся, трудов Господних соработницы.
Радуйтеся, о Господе воскресшем веселящияся; радуйтеся, о Христе воставшем торжествующия.
Радуйтеся, истину неложно уверяющия; радуйтеся, правду благонадежно держащия.
Радуйтеся, мироносицы преславныя, Воскресения Христова провозвестницы.

Кондак 4.

Магдалино, покаяния дщи и Воскресения первая свидетельница! Умоли Небеснаго Вертоградаря, Христа, от мучащих нас страстей избавитися и чистым сердцем взывати Ему: Аллилуиа.

Икос 4.

Приидите, жены боголепныя, потщитеся гроб тощь видети, яко да Небеснаго Жениха обрящете воскресша и услышите песнословия сия:
Радуйтеся, Христа со елеем сретающия; радуйтеся, светильники веры возжигающия.
Радуйтеся, уныние от нас отлагающия; радуйтеся, упованием на Бога нас укрепляющия.
Радуйтеся, бесовских страхований отгонительницы; радуйтеся, ангельския радости насадительницы.
Радуйтеся, мироносицы преславныя, Воскресения Христова провозвестницы.

Кондак 5.

Саломие, сынов громовых мати! Красны песни воспой и победное Воскресение возвеличи: Аллилуиа.

Икос 5.

Бог Сый мира, Отец щедрот, Воскресение Сына Своего являет благодерзновенным женам и нас подвизает ублажати сих словесы таковыми:
Радуйтеся, жены равноапостольныя; радуйтеся, свет Евангелия миру проповедавшия.
Радуйтеся, глаголы вечныя разумевшия; радуйтеся, в заповедех святых любомудрствовавшия.
Радуйтеся, смирения образ показующия; радуйтеся, кротости силу являющия.
Радуйтеся, мироносицы честныя, Воскресения Христова проповедницы славныя.

Кондак 6.

Марие, благую часть избравшая! Боговещанному глаголу внемли, яко Господь славы воста, и воспевай в веселии: Аллилуиа.

Икос 6.

О, апостоли Христовы, самовидцы Слова! Веруйте проповеданию мироносиц, аще и неудобь вместимая глаголют, но истину непреложно благовествуют, и рцыте им:
Радуйтеся, Христа дерзновенно исповедавшия; радуйтеся, ложь диавольскую обличившия.
Радуйтеся, бесстрашныя Божия воительницы; радуйтеся, темных сил сокрушительницы.
Радуйтеся наставницы смиренномудрия; радуйтеся, подательницы долготерпения.
Радуйтеся, мироносицы преславныя, Воскресения Христова провозвестницы.

Кондак 7.

Марфо многорачительная и трудолюбивая! Зри Восток богосветлаго Солнца и виждь, яко вся тварь обновляется и, блистающися, поет: Аллилуиа.

Икос 7.

Богопроповедники апостолы ублажим, Владычнее Царство пришедшее благовестивших, и жен премудрых купно с ними возвеличим:
Радуйтеся, трудящимся во благовестии укрепление; радуйтеся, милость творящим вспоможение.
Радуйтеся, приступающих к вам надеяние; радуйтеся, припадающих к вам упование.
Радуйтеся, христиан заступление; радуйтеся, безбожных вразумление.
Радуйтеся, мироносицы преславныя, Воскресения Христова провозвестницы.

Кондак 8.

Иоанно богомудрая и благосердая! Хвалу принеси Содетелю Богу и смерти силу Разрушившему победную песнь воспой: Аллилуиа.

Икос 8.

Молитву усердную приемлет Благоуветливый Владыка Христос от Своих рабов, совершающих честную память мироносиц и восклицающих:
Радуйтеся, верным чадом Божиим помогающия; радуйтеся, лукавых рабов обличающия.
Радуйтеся, гордыню властителей смирившия; радуйтеся, гнев мучителей угасившия.
Радуйтеся, скудости нашея восполнение; радуйтеся, немощи нашея врачевание.
Радуйтеся, мироносицы преславныя, Воскресения Христова провозвестницы.

Кондак 9.

Марие боголюбивая и Сусанно ревностная, небоязненно гроба достигшия! Христу, ночь греха отгнавшему и смерти державу упразднившему, воспойте: Аллилуиа.

Икос 9.

Небо, веселися, земле, ликуй с мироносицами вкупе. Спас воскресе, Егоже непрестанно хваляще, равноапостольным женам слагаем песнь сицевую:
Радуйтеся, на одре лежащих воставление; радуйтеся, здравых верою укрепление.
Радуйтеся, младенцев надежное защищение; радуйтеся, отроков учащихся умудрение.
Радуйтеся, мужей благочестивых доблесте; радуйтеся, жен непорочных чистото.
Радуйтеся, мироносицы преславныя, Воскресения Христова провозвестницы.

Кондак 10.

Жены, печалию омраченныя, ко гробу идуще, не ведяху, яко Христу Солнцу Правды воссиявшему вскоре поклонятся и Богу Живому с радостию воспоют: Аллилуиа.

Икос 10.

Пасху празднующе вечную, мирен дух сподобимся стяжати и мироносиц день немолчными песньми почтим:
Радуйтеся, Христови усердно послужившия; радуйтеся, апостолом во благовестии подражавшия.
Радуйтеся, слезы умиления подающия; радуйтеся, сердца наша в горняя возводящия.
Радуйтеся, во благочестии и вере наставляющия; радуйтеся, чистоте и целомудрию научающия.
Радуйтеся, мироносицы преславныя, Воскресения Христова провозвестницы.

Кондак 11.

О, мироносицы честныя! Вскую Жизнодавцу миро приносите? Жена блудница предвари вас своим помазанием, но познайте Сего яко Бога воскресша и воспойте хвалебную песнь: Аллилуия.

Икос 11.

Царю мира и Спасу нашему апостолов лик и мироносицы жены присно славу воздают и Дивному во святых Своих Богу хвалебную песнь приносят. Мы же им воспеваем:
Радуйтеся, смирением сердца исполняющия; радуйтеся, покаяния двери отверзающия.
Радуйтеся, от клеветы человеческия избавляющия; радуйтеся, лукавыя словеса обличающия.
Радуйтеся, святою верою снабдевающия; радуйтеся, крепкою надеждою восперяющия.
Радуйтеся, мироносицы преславныя, Воскресения Христова провозвестницы.

Кондак 12.

Мироносицы жены плач на радость преложиша, с нимиже и вся вселенная ликует: воскреснут мертвии, и востанут иже во гробех, и земнороднии воскликнут: Аллилуиа.

Икос 12.

Прославим, вернии, собор жен честных, во благовестии Воскресения Христова потрудившихся, и, ликующе. воспоим:
Радуйтеся, света Христова причастницы; радуйтеся, жизни вечныя наследницы.
Радуйтеся, в тесноте ослабу подающия; радуйтеся, в тяготах облегчение приносящия.
Радуйтеся, души от пути погибельнаго отводящия; радуйтеся, нас ко спасению наставляющия.
Радуйтеся, мироносицы преславныя, Воскресения Христова провозвестницы.

Кондак 13.

О, мироносицы всечестныя, Христа верныя ученицы! Приимите наша смиренныя похвалы и окамененная сердца наша миром молитв ваших умягчите, да Воскресшему Спасу с вами непрестанно вопием: Аллилуиа.

(Сей кондак читаеся трижды).

Икос 1.

Ангел у гроба, яко молния, во тьме сияя, мироносиц сретает грядущих, возвещая им таковая:
Радуйтеся, яко Господь Сил воскресе; радуйтеся, яко Царь Славы воста.
Радуйтеся, яко ветхая скорбь упразднися; радуйтеся, яко новая радость воссия.
Радуйтеся и слезы печали отрите; радуйтеся и, шедше, апостолов возвеселите.
Радуйтеся, мироносицы преславныя, Воскресения Христова провозвестницы.

Кондак 1.

Брани угашает и мир устрояет Державное Слово молитвами вашими, жены святыя. Ныне же благодарений наших приносим вам малая сия словеса:
Радуйтеся, мироносицы преславныя, Воскресения Христова провозвестницы.

Молитва

О, жены благословенныя, мироносицы святыя, мир Христов в сердцах ваших носящия! Почитаем верность вашу, яко у Креста Господня небоязненно стоясте. Ублажаем и яже по Бозе ревность вашу, еюже движимы, ко гробу текосте миром помазати погребеннаго Владыку. Прославляем чистую любовь, еяже ради воскресший Господь первее вам явися и радостию сердца ваша исполни. Почитаем и апостольския труды, имиже Христа воскресшаго дерзновенно исповедасте пред народы, владыки и цари.

Ныне же к вам с верою и любовию прибегаем и усердно просим: умолите Всещедраго Жизнодавца силою Креста Его нам укрепитися, в подвизех любве и самоотвержения утвердитися, душевным же и телесным болезнем нашим исцелитися. Да воссияет и нам благодать Воскресшего Христа, Бога нашего, и да внидем в уготованный Им Чертог Небесныя славы, идеже вкупе с вами сподобимся прославляти Троицу Единосущную и Нераздельную во веки веков. Аминь.

Тропарь, глас 2:

Мироносицам женам при гробе представ, ангел вопияше:/ мира мертвым суть прилична/ Христос же истления явися чуждь./ Но возопийте: воскресе Господь,/ подаяй мирови велию милость.

Кондак, глас 2:

Радоватися мироносицам повелел еси,/ плач праматере Евы утолил еси воскресением Твоим, Христе Боже,/ апостолом же Твоим проповедати повелел еси:/ Спас воскресе от гроба.

Полезная статья? Мы рады! Благодарим тех, кто слово поддержал делом: 2202 2018 4415 4894 -Сбербанк редактора (Ирина Анатольевна Я) Пожертвования идут на оплату хостинга и небольшой гонорар авторам. Господи, Спаси благотворителей

Добавить комментарий

Ваш адрес email не будет опубликован. Обязательные поля помечены *

Related Post

«Слава в вышних Богу и на земли мир, в человецех благоволение!»: Акафист Рождеству Христову«Слава в вышних Богу и на земли мир, в человецех благоволение!»: Акафист Рождеству Христову

| | Нет комментариев
Акафист Рождеству Христову

По одной версии Акафист Рождеству Христову в 1873 году написала девица Елизавета Трофимовна Обухова (в монашестве Леонида), духовная дочь епископа Димитровского Леонида (Краснопевкова). Она была духовно и творчески одаренной, глубоко

Акафисты

«Радуйся, Заступница усердная рода христианского!»: Акафист Пресвятой Богородицы в честь чудотворной Ее иконы Казанской — текст с параллельным переводом на русский«Радуйся, Заступница усердная рода христианского!»: Акафист Пресвятой Богородицы в честь чудотворной Ее иконы Казанской — текст с параллельным переводом на русский

| | Нет комментариев
Акафист Казанской Божьей Матери

Через Казанский Свой образ Матерь Божия, являя милость, изобильно помогает роду христианскому — это опытным путем знает каждый верующий россиянин, регулярно молящийся Пресвятой Богородице словами акафиста Казанской Божией Матери. Мы

Акафисты

Потребность нашего времени — акафист Пресвятой Богородице в честь икон Ея «Взыскание погибших» и «Всех скорбящих Радосте»Потребность нашего времени — акафист Пресвятой Богородице в честь икон Ея «Взыскание погибших» и «Всех скорбящих Радосте»

| | Нет комментариев
Акафист Взыскание погибших и Всех скорбящих радость

Акафист Божией Матери перед Ея чудотворным образом «Взыскание погибших» до начала XX века пели тот, который был составлен для иконы «Всех скорбящих радость». Обе иконы прославлены не только примерно в

Акафисты

Акафист благодарственный «Слава Богу за всё»Акафист благодарственный «Слава Богу за всё»

| | комментариев 8
Акафист "Слава Богу за всё"

Акафист «Слава Богу за всё», вернее, его название точно повторяет слова, сказанные свт. Иоанном Златоустом перед кончиной. Патриарх Константинопольский умирал, несправедливо изгнанный с престола, оболганный, опороченный, постоянно унижаемый. Умирал, благодаря

Акафисты

Акафист перед иконой Пресвятой Богородицы «Всецарица»Акафист перед иконой Пресвятой Богородицы «Всецарица»

| | Нет комментариев

Текст Акафиста, читаемого перед иконой Пресвятой Богородицы «Всецарица» утвержден Священным Синодом Русской Православной Церкви 25 декабря 2012 года (журнал № 131) Кондак 1 Новоявле́нней Твое́й иконе предстоя́ще ве́рнии, уми́льно воспева́ем

Акафисты