Молитва от осквернения Василия Великого актуальна для мужчин, когда во время ночного сна произошло «непроизвольное истечение».
Осквернение — физиологический процесс или грех?
При этом, например, свт. Феофан Затворник, а также многие современные пастыри различают чисто физиологический процесс, в котором нет вины человека, и ситуацию, когда христианин предавался греховным мыслям, смотрел сладострастные картины или фильмы.
В этом случае и читается так называемое «правило от осквернения», в состав которого входят три молитвы авторства свт. Василия. Они читаются читаются по благословению духовника.
Вот тексты молитв от осквернения:
Молитва от осквернения святого Василия Великого
Паки запят бых окаянный умом и лукавым обычаем, работая греху. Паки князь тьмы и страстных сладостей родитель, пленена мя сотвори, и якоже раба смиреннаго, того хотением, и желанием плотским работати принуждает мя.
И что сотворю, Господи мой, и Избавителю, и Заступниче, уповающим на Тя, аще не к Тебе паки возвращуся и постеню, и милости испрошу о содеянных мною; но боюся и трепещу, да не како всегда исповедаяся, и отступити злых обещаваяся, и на кийждо час согрешая: и не воздав молитвы моея Тебе Богу моему, долготерпение Твое воздвигну к негодованию. И кто стерпит гнева Твоего, Господи; ведый убо множество щедрот Твоих, и пучину человеколюбия Твоего, паки возверзаю себе на милость Твою, и взываю Ти: еже согреших, прости.
Помилуй мя падшаго, даждь ми руку помощи, в тине сластей погруженному. Не остави, Господи, создание Твое растлитися беззаконьми моими и грехи моими: но обычным Твоим милосердием и благостию принуждаем, избави от кала и скверны телесныя и страстных помышлений, оскверняющих всегда душу мою окаянную: се бо, Господи, якоже зриши, несть в ней места чиста, но вся проказися, и все тело объят язва.
Сам убо, Человеколюбче, врачу душ и телес и милости источниче, очисти ту слез моих течением, сих изливая на мя обильно: излей на мя человеколюбие Твое, и даждь ми исцеление и очищение, и исцели сокрушение мое, и не отврати лица Твоего от мене, да не якоже вещь, пояст мя отчаяния огнь: но якоже рекл еси, неложный Боже, яко велия радость бывает на небеси о едином грешнице кающемся, сие сотвори и на мне грешнем, и не затвори ушию благоутробия Твоего, в молитве покаяния моего; но отверзи их, и яко кадило исправи ту пред Тобою: веси бо немощь естества Создателю, и удобь поползновение юности, и тяжесть тела, и презираеши грехи, и покаяние приемлеши призывающих Тя истиною.
Яко благословися и прославися пречестное и великолепое имя Твое, Отца и Сына и Святаго Духа, ныне и присно и во веки веков. Аминь.
Молитва вторая, святого Василия Великого
Многомилостиве, нетленне, нескверне, безгрешне Господи, очисти мя, непотребнаго раба Твоего, от всякия скверны плотския и душевныя, и от невнимания и уныния моего прибывшую ми нечистоту, со инеми всеми беззаконии моими, и яви мя нескверна, Владыко, за благость Христа Твоего, и освяти мя нашествием Пресвятаго Твоего Духа: яко да возбнув от мглы нечистых привидений диавольских, и всякия скверны, сподоблюся чистою совестию отверсти скверная моя и нечистая уста, и воспевати всесвятое имя Твое, Отца и Сына и Святаго Духа, ныне и присно и во веки веков. Аминь.
Молитва третья
Господи Боже наш, еже согреших во дни сем словом, делом и помышлением, яко Благ и Человеколюбец прости ми. Мирен сон и безмятежен даруй ми. Ангела Твоего хранителя посли, покрывающа и соблюдающа мя от всякаго зла, яко Ты еси хранитель душам и телесем нашим, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
«Отмыться водой разумения, которая омоет грех помышления слезами его» предписывал свт Григорий Двоеслов (540-604) христианину, осквернившемуся блудными видениями во сне.